გოგიტა თოდრაძემ პარლამენტში საქსტატის საქმიანობის ანგარიში წარადგინა

თარიღი: 17 თებერვალი 2022

საქსტატის აღმასრულებელმა დირექტორმა გოგიტა თოდრაძემ, 2022 წლის 16 თებერვალს, პარლამენტში საქართველოს სტატისტიკის ეროვნული სამსახურის 2020 წლის საქმიანობის ანგარიში წარადგინა.

 

გოგიტა თოდრაძემ პლენარულ სხდომაზე ისაუბრა საქართველოს სტატისტიკის ეროვნული სისტემის განვითარების ძირითად მიმართულებებზე, საქსტატის მიერ გადადგმულ მნიშვნელოვან ნაბიჯებზე, უახლესი საერთაშორისო მეთოდოლოგიებისა და სტანდარტების დანერგვაზე, საქსტატის მიერ შემუშავებულ ინოვაციურ პროდუქტებსა და ახალი თანამედროვე სერვისების ამოქმედებაზე, რაც მაღალი ხარისხის, ობიექტური და სანდო ოფიციალური სტატისტიკის წარმოების მნიშვნელოვანი წინაპირობაა.

 

მან ხაზგასმით აღნიშნა საერთაშორისო პარტნიორებთან თანამშრომლობის, ევროკავშირთან გაფორმებული ასოცირების შესახებ შეთანხმებისა და სხვა საერთაშორისო ვალდებულებების შესრულების განსაკუთრებული მნიშვნელობა ქვეყნის რეიტინგის და იმიჯის ამაღლების თვალსაზრისით. გამოსვლის ბოლოს, პარლამენტის წევრებს და დამსწრე საზოგადოებას ასევე გააცნო საქსტატის სამომავლო გეგმები.

 

განხილვა ინტერაქტიული დისკუსიის რეჟიმში წარიმართა, სადაც გოგიტა თოდრაძემ  პარტლამენტის წევრების მიერ დასმულ შეკითხვებს უპასუხა.

 

საბოლოო ანგარიშით პარლამენტმა საქსტატის საქმიანობა დადებითად შეაფასა.

 

ანგარიშის სრული ვერსია ხელმისაწვდომია ბმულზე: www.geostat.ge/media/37978/საქსტატის-საქმიანობის-ანგარიში---2020.pdf